Hvaða rugl er þetta?

17.5.2010 | 13:31

Síðustu misserin hefur þrengst um fjárhag okkar Íslendinga. Margt bendir til að áfram muni halda að þrengjast enn meira um fjárhaginn. Þess vegna kemur verðlagning á ýmsum stöðum mjög á óvart. Það er eins og augljós tengsl milli framboðs og eftirspurnar séu fólki alls ekki ljós.

Ég fór á bíó í gær. Miðinn kostaði kr. 1.150.- Áhorfendur auk mín voru um 10-12 manns í 3-400 manna sal. Hvers vegna er miðaverðið ekki haft helmingi lægra? Þá hefðu áhorfendur örugglega verið miklu fleiri með meiri sölu í sjoppunni í hléi.

Eins er það með Bláa lónið, en þar var ég um daginn. Þar er miðaverðið reiknað út frá föstu verði í evrum og kostaði einn miði kr. 4.150.- Þetta er brjálað verð! Í ofanálag fyrir rekstur Bláa lónsins hefur útlenskum gestum örugglega fækkað mikið síðustu vikur vegna gossins í Eyjafjallajökli.

Flokkur: Dægurmál | Facebook

Athugasemdir

Hví kaustu ekki með veskinu og hættir við ferðina í lónið?

Ég var að skoða blaalonid.is, að leigja eitt handklæði hjá þeim kostar 650 krónur.

Handklæði kostar 695 kr hjá Ikea... http://www.ikea.is/products/10456

Pétur Ingi (IP-tala skráð) 17.5.2010 kl. 14:37

Það var reyndar þannig að konan mín fékk þetta frítt þennan dag þar sem það var konudagur. Ég fylgdi með og kortið mitt fékk að kenna á þessari verðlagningu.

Davíð Pálsson, 17.5.2010 kl. 15:01

Þetta er bara heimska í markaðsstetningu.

Almennt er talið hér hjá söluaðilum að þeim mun hærri sem álgningin er, þeim mun meira græði menn. Þetta er einfaldlega lenska hér á landi.

Takið sem dæmi fataverslanir. Þar er álagningin 300-500%. Þar telja menn að nóg sé að selja 3-4 flíkur af hverri gerð, og þá séu menn búnir að græða svo og svo mikið á sölunni.

En þetta er einfaldlega rangt. um 75% af kaupum Íslendinga á fatnaði fer fram erlendis. En þetta skilja menn fatakaupmenn ekki hér á landi. Þeir eru alltaf við sama heygarðshornið.

Það sama á við um kvikmyndahúsin. Þar skilja menn ekki að fólk bíður bara eftir því að myndirnar komi á vídeó-leigurnar, eða þá bara hreinlega hala þeim niður af internetinu.

Og Bláa lónið, þar ætluðu menn að græða á útlendingum í staðinn fyrir að fá þangað hálf-blanka Íslendinga með sínar verðlausu krónur. Þetta þetta brást eins og önnur vitleysa hjá söluaðilum hér á landi.

Hvenær ælta söluaðilar að læra hér á landi?

Jafnvel þó að Ísland álpist í ESB og innkaupaverð á vörum lækki vegna afnáms tolla og vörugjalda, þá munu þessir aular bara hækka hjá sér álagninguna, því þeir halda að þeir græði svo mikið á því! En þeir vita það ekki að landinn fer bara erlendis og kaupir vöruna þar í staðinn.

Birkir M. Steingrímsson (IP-tala skráð) 17.5.2010 kl. 15:24