Maður ársins

Nú eru miðlar, eins og Pressan og Vísir að hefja kosningu um „Mann ársins“. Sjálfsagt verður það Lilja Mósesdóttir sem fær þar flest atkvæðin og er hún örugglega vel að því komin.

Hins vegar kýs ég sjálfur skýrmæltu fréttakonuna Maríu Sigrúnu Hilmarsdóttur og þá fyrst og fremst fyrir þátt hennar um þjóðhetjuna Reyni Pétur á Sólheimum.

Einnig fannst mér gott fréttaviðtal hennar við Steingrím J. þar sem hún spurði hvort það væri ekki vandræðalegt fyrir hann að hafa barist fyrir fyrri Icesave samningnum sem þjóðin felldi með yfirgnæfandi meirihluta. Steingrímur svaraði henni með þjósti og sagði það vandræðalegt fyrir Maríu að spyrja hann þessarar spurningar.  Mikið sem Steingrímur varð sér til minnkunar með þessu svari.

Athugasemdir

[Friðrik Hansen Guðmundsson, 21.12.2010 kl. 20:44]

Maður ársins 2010 verður sá Íslendingur sem tók við Nehru verðlaununum í janúar sl, einhverjum æðstu verðlaunum sem veitt eru í Asíu. Einungs tveir aðrir Evrópskir þjóðarleiðtogar hafa fengið þessi verðlaun, þeir Olof Palme og Helmut Kohl.

Maður ársins 2010 verður sá Íslendingur sem varð við áskorun tugþúsunda Íslendinga og neitaði Icesave lögunum staðfestingar og sparaði þjóðinni þar með 400 til 500 milljarða króna greiðslur vegna þessa.

Ég spái því að þjóðin velji Ólaf Ragnar Grímsson mann ársins 2010.