Ekki auðvelt að hætta viðskiptum við bankann

Eins og þúsundir annara þá er ég með verðtryggt íbúðalán. Síðasta árið hafa verðbætur hækkað lánið rosalega. Fyrir nokkrum vikum síðan talaði félagsmálaráðherra um að nú væri hægt að flytja lánið frá bankanum til Íbúðalánasjóðs.

Ég spurði þjónustufulltrúa minn í bankanum um þennan flutning en hann sagði að ég gæti ekki ákveðið neitt slíkt. Það væri aðeins bankinn sem gæti ákveðið slíkt og það stæði ekki til.

Í smáa letri íbúðalánasamningsins segir að meðan ég sé bankanum tryggur og sé með launareikning og kort hjá honum þá verði vextir á láninu áfram þeir sem ég gerði samkomulag við þá um, annars yrðu þeir hækkaðir.

Það er undan þessu ákvæði sem ég vildi sleppa og því hélt ég að þarna gæti ég átt þann leik í stöðunni að flytja lánið yfir til Íbúðalánasjóðs. En þetta er því miður ekki hægt.

Athugasemdir

[Rósa (IP-tala skráð) 8.12.2008 kl. 21:36]

Elskan hún Jóhanna sagði í fyrstu viku eftir bankahrun að til greina kæmi að frysta allar lánagreiðslur íslenskra fjölskyldna í 8-10 mánuði. Þá fór ég að skilja að málið væri grafalvarlegt. En þarna var hún að tala án ábyrgðar og ekki hefur borið mikið á henni undanfarið.