Ísland skortir sárlega leiðtoga sem getur talað kjark og von í þjóðina

Mikið væri gott ef þjóðin ætti leiðtoga sem gæti talað kjark og trú á framtíðina í hana. Slíkur leiðtogi virðist ekki vera á Alþingi enda eru slíkir fáir til.

Helst dettur mér í hug sálfræðingurinn Jóhann Ingi sem þekkir þá hluti mjög vel hvernig eigi að blása fólki kapp í brjóst og trú á árangur.

Jóhann Ingi er ekki í ríkisstjórn eða á Alþingi og heldur ekki á Bessastöðum svo kannski eru okkur allar bjargir bannaðar.

Það er annars vel skiljanlegt þegar fólk yfirgefur landið eins og stjórn allra hluta hefur verið hjá okkur síðustu misserin. Hins vegar er það hörmulegt fyrir okkur sem eftir sitjum í skuldasúpunni og gerir okkur erfiðara fyrir.

Mesta hættan fólksflótti

Athugasemdir

[Gísli Ingvarsson, 4.8.2009 kl. 21:23]

Mér finnst Steingrímur hafa gert sitt til að draga bölmóðinn niður um nokkur decibel. Sennilega vegna þess að hann hefur þingflokkinn ekki einhuga að baki sér getur hann ekki beitt sér 100%. Það er erfitt að hafa hæbítana um ökklann án þess að reka upp stöku kveinstafi.

[assa (IP-tala skráð) 4.8.2009 kl. 21:47]

Við eigum þennan leiðtoga til. Það eru bara svo margir uppfullir af hatri út í manninn að þeir sjá ekki að hann hefur þor, dug, þekkingu og hæfni til að bjarga okkur út úr þessum aðstæðum. Maðurinn heitir Davíð Oddson. Ég frábið mér skrif á móti um að hann hafi gert hitt og þetta til að koma okkur á þennan stað, ég er ekki að mæla áðurgerðum mistökum bót, ég er aðeins að benda á að hann getur þetta.

[Margrét Elín Arnarsdóttir, 5.8.2009 kl. 00:13]

Ójá, Davíð getur þetta. Alveg með ólíkindum hvernig ávallt er komið fram við Davíð. Davíð sagði á sínum tíma að við myndum ekki borga skuldir óreiðumanna erlendis - þá varð allt brjálað. Í dag vill fólk ekki borga skuldir óreiðumanna erlendis og kvartar undan því að það sé enginn stjórnmálamaður sem hafi kjark til að standa í hárinu á Bretum og Hollendingum....furðulegt alveg hreint!!!

[Guðmundur St Ragnarsson, 5.8.2009 kl. 00:48]

Mig langar að taka undir með ykkur Assa og Margrét enda Davíð líklega sá eini sem þorir, vill og getur taka á erlendum þjóðhöfðingum í þeirri stöðu sem við erum í. En því miður DA er hönnuðurinn af hörmungnum. Það verður aldrei sátt um þann mann eftir þetta.

Ég legg til að Evu Joly fái íslenskan ríkisborgararétt. Þá getum við hent Ólafi Ragnari í burtu og kosið okkur hana sem forseta.

[Velvakandi, 5.8.2009 kl. 01:48]

Ísland skortir sárlega leiðtoga sem getur talað kjark og von í þjóðina

...og ekki væri verra ef hann gæti talað útlensku líka!

Ekki væri amalegt ef við hefðum forystumenn sem tækju málin í sínar hendur, heimsæktu sjálfir þá sem við eigum óuppgerð mál við, kynntu málstað okkar og kæmu ekki heim fyrr en þeir hefðu náð frambærilegri pólitískri niðurstöðu - maður á mann.