Stjórnin verður að fara frá

Ef allt færi að óskum og samningurinn yrði felldur þá yrðu Bretar og Hollendingar mjög ósáttir við að íslenska ríkisstjórnin sæti áfram. Það yrði okkur líka mjög óhagstætt ef stjórnin þráaðist við í stólum sínum því engum er verr treystandi til að verja íslenska hagsmuni í hugsanlegu dómsmáli ef málið endar þar. M.ö.o. þá er það lífsspursmál fyrir þjóðina að samningurinn verði felldur og stjórnin fari frá. Og þá er ég ekki að mæla með þeim þingmönnum stjórnarandstöðunnar sem styðja Icesavesamninginn.

Mjótt á mununum um Icesave

Ríkisstjórnin vill tapa málinu

Það er greinilegt á fyrstu viðbrögðum ríkisstjórnarinnar við ákvörðun forsetans að hún vill tapa málinu aftur. Stjórnin öll hefur verið mjög neikvæð og óánægð með að þjóðin fái að segja sitt álit.

Ef þau hefðu einhvern áhuga á að fá samþykki þjóðarinnar þá hefðu þau átt að taka þessu fagnandi án undantekninga, sannfærð um að þjóðin væri henni sammála, að samningurinn væri besta lausnin fyrir Ísland.

Það er auðvitað skiljanlegt að 98-2 tap í þjóðaratkvæðagreiðslunni síðast svíði sárt. Einhverntíma þótti 14-2 tap rosaleg rassskelling.

Þjóðin kýs að nýju

Framtíðarkynslóðir munu dæma þá sem börðust fyrir Icesave klafanum

Framtíðarkynslóðir munu örugglega skoða vel hvað gekk á og hverjir það voru sem helst börðust fyrir að láta þjóðina (og framtíðarkynslóðir) borga Icesave klafann. Þá er ég hræddur um að ýmsir fái bágt fyrir sem nú hamast á blogginu, t.d. við að gera einhverja atkvæðagreiðslu um hvatningu til forsetans að einhverju voða máli.

Skorar á forsetann

98-2 og samt er það ekki skilið

Jón Ingi og Páll. Hvað var það við þjóðaratkvæðagreiðsluna í fyrra sem fór 98-2 sem þið skilduð ekki? Skrif ykkar eru skelfing sorgleg en hugsanlega munið þið aldrei átta ykkur á því.

Heill og heiður þeim sem hafa barist gegn því að skuldir útrásarglæpamanna séu settar á saklausa íslenska þjóð áratugi fram í tímann.

Þeir sem endilega vilja setja þessa skuld á framtíðarkynslóðir ættu þá að birta nákvæman lista yfir þá sem fengu þennan Icesave-pening svo fólk gæti séð fyrir hvern það er að borga. Sjálfsagt hefur eitthvað af þessum pening farið til þeirra Alþingismanna sem nú vilja ólmir að börn annara Íslendinga greiði þetta.

Farið yfir undirskriftir

Setjum ekki hengingaról um háls barnanna

Oddný Harðardóttir, þingmaður Samfylkingar, sagði Icesave málið útrætt og vildi ekki vinna það meir. Hvers vegna getur hún ekki skilið þjóðaratkvæðagreiðsluna sem fór 98-2! Hvað þarf til að þessir óhæfu þingmenn skilji þjóðina?

Oddný og hennar lið vill bregða hengingaról um háls íslenskra barna. Hafi þau dýpstu skömm fyrir en aldrei fyrirgefningu þó þau reyni síðar að segjast ekki hafa vitað betur.

Lokaumræða um Icesave-frumvarp

Stóralvarlegt að samþykkja Icesave

Ég held að þingmenn geri sér ekki grein fyrir því hvað það kosti þjóðina ef samþykkja á Icesave. Mér sýnist þetta þýða áratuga langa kreppu okkur öllum til stórkostlegs tjóns. Gríðarlegur fjöldi fólks mun flýja land sem mun gera þeim sem eftir verða enn erfiðara fyrir.

Hvernig væri þá fyrst að birta nákvæmlega í hvað allur þessi Icesave peningur fór til að við gætum þá áttað okkur á fyrir hvern við erum að borga. Hvernig væri að þeir sem ábyrgð bera á þessu Icesave dæmi verði dæmdir til þyngstu refsingar svo við hin gætum reynt að borga þetta í einhverri sátt?

Best væri að neita að borga þetta. Bretar og Hollendingar færu þá bara í mál.

Þjónar hagsmunum að ljúka Icesave

Góðir hlutir gerast enn

Langar til að vekja sérstaka athygli á endurbættri spáritssíðu Veðurstofunnar sem má nálgast hér. Þessar spár eru sífellt að verða áræðanlegri og gott að vita þannig hvernig veðrið muni verða næstu daga.

Einnig langar mig til að fá að mæla með Hamborgarafabrikkunni. Fór þangað um daginn og var mjög ánægður með staðinn. Allt mjög snyrtilegt, góð þjónusta og góður matur á sanngjörnu verði.

Ég hef áður bent á rafbíla og langar að fá að bæta við það. Í fréttum danska sjónvarpsins í dag var sagt frá því að Chevrolet væri farið að selja rafbíl þar í landi og eins og einn viðmælandinn sagði þá undraðist hann að rafbílar skyldu ekki hafa verið notaðir síðustu 100 árin eða svo! Hér má sjá nýja Chevrolet fólksbílinn.

Lilja virðist skilja hörmulega stöðu Íslands

Það er kannski ekki mikil upphefð af því að vera valinn maður ársins hjá Útvarpi Sögu. Útvarpi sem ég hef lengi kallað útvarp dauðans.

En það að Lilja hafi orðið fyrir valinu kemur mér ekki á óvart enda virðist Lilja, einn þingmanna hafa skilning á þeirri hörmulegu stöðu sem svo margir Íslendingar eru komnir í eftir hrunið.

Skammarlegt er að sjá Samfylkingarsinna eins og Eið Guðnason nota þetta tækifæri til að ráðast á Lilju.

Lilja maður ársins á Útvarpi Sögu

Besta jólagjöfin

Fyrir jól spurði 11 ára dóttir mín hvað mig langaði í jólagjöf. Þar sem ég vildi ekki að hún væri að eyða peningum í gjöf fyrir mig þá svaraði ég henni strax að ég vildi bara ást og kærleika í jólagjöf og því væri ekki hægt að pakka inn.

Kannski var þetta svar ekki gott fyrir barnið sem auðvitað langaði að gefa mér jólapakka. Og pakka fengum við foreldrarnir frá henni. Í honum var lítil krukka sem í var miði sem á stóð:

„Hér er ást og kærleikur í krukku
sem verður ykkur til lukku“.

Einnig gaf hún okkur foreldrunum handteiknaðar andlitsmyndir af okkur. Hrein listaverk!

Maður ársins

Nú eru miðlar, eins og Pressan og Vísir að hefja kosningu um „Mann ársins“. Sjálfsagt verður það Lilja Mósesdóttir sem fær þar flest atkvæðin og er hún örugglega vel að því komin.

Hins vegar kýs ég sjálfur skýrmæltu fréttakonuna Maríu Sigrúnu Hilmarsdóttur og þá fyrst og fremst fyrir þátt hennar um þjóðhetjuna Reyni Pétur á Sólheimum.

Einnig fannst mér gott fréttaviðtal hennar við Steingrím J. þar sem hún spurði hvort það væri ekki vandræðalegt fyrir hann að hafa barist fyrir fyrri Icesave samningnum sem þjóðin felldi með yfirgnæfandi meirihluta. Steingrímur svaraði henni með þjósti og sagði það vandræðalegt fyrir Maríu að spyrja hann þessarar spurningar.  Mikið sem Steingrímur varð sér til minnkunar með þessu svari.