Mikla þolinmæði þarf til að nota metan

Ég er á metan bíl frá Volkswagen. Ég get tekið undir þessa frétt. Manni hálfkvíðir alltaf fyrir því að taka metan hjá N1 Bíldshöfða. Ég vissi ekki af því að N1 væri með aðra dælu í Hafnarfirði. Verð að skoða það. Á Bíldshöfða er alltaf biðröð, enda er dælan aðeins ein, með tveimur slöngum og dæling tekur talsvert lengri tíma en að taka bensin eða olíu. Metantankurinn á Volkswagen bílnum dugir í ca. 300 km. akstur.

Eins og fram kemur í fréttinni þá er dælan á Bíldshöfða oft kraftlaus þannig að það næst ekki að setja á nema 3/4 tanksins og þá kemst maður enn styttra á tanknum.

Vonandi stendur þetta til bóta en upplýsingar frá N1 gefa ekki góð fyrirheit um það, því miður. Kosturinn við metannotkun er auðvitað talsvert minni kostnaður og hreinni orkunotkun.

Metanbílaeigendur í hremmingum

Athugasemdir

[Walter Ehrat (IP-tala skráð) 15.5.2012 kl. 18:56]

Á Bíldshöfða eru 3 dælur er það ekki eða er búið breyta?

Það er ein tvöföld dæla og svo er ein vestar líka. Það er oftast örstutt bið ef nokkur ef maður fer ekki á annatíma.

En ég er sammála að það væri frábært að fá aðra áfyllingarstöð, helst meira miðsvæðis og afgreitt af fyrirtæki sem er ekki tengt olíufélagi.

[Davíð Pálsson, 15.5.2012 kl. 19:00]

Hmm... önnur dæla vestar. Verð að finna hana.

[Sigurður Johannesson (IP-tala skráð) 15.5.2012 kl. 20:35]

Það eru 3 dælur á Höfðanum fyrir Metan, sú seinni er við smurstöðina.

[Anepo, 15.5.2012 kl. 22:02]

En af hverju í fjáranum gáði maðurinn ekki að því hversu margar stöðvar væru til?

Þetta er svona eins og að hafa stórskemdann bíl og láta gera við hann án þess að nokkurn tímann spyrja hvað viðgerðin gæti kostað.

[Davíð Pálsson, 16.5.2012 kl. 00:01]

Í mínu tilviki þá er Volkswagen bíllinn sem ég nefndi vinnubíll sem ég er á aðra hverja viku. Sjálfur á ég díseljeppa sem er dýr í rekstri!

Mig dreymir um rafmagnsbíl (eins og Nissan Leaf) en er heldur efins um að slíkir bílar gangi við íslenskar aðstæður. Vonandi mun það lagast með framtíðartækni.

[Sigurður Haraldsson, 16.5.2012 kl. 07:41]

Góðan dag ég keypti metanbreittan bíl fyrir mánuði og get ekki fengið metan á hann þar sem ég bý hvað þá meira! Hvað eru stjórnvöld að gera? Aumingjar og ræflar allir upp til hópa lofa öllu fögru og fella niður gjöld en svo viti menn ekki gert ráð fyrir að fólk reyni að fara þessa leið til að spara.

[Ógnvaldur Valsson (IP-tala skráð) 16.5.2012 kl. 08:14]

Sigurður. Stjórnvöld hafa ekkert með það að gera, að það sé ekki metan stöð í byggðarlaginu þínu. Þú ættir kannski bara að stofna eina slíka. Þið gætuð jafnvel sett ykkur saman og myndað félaga samtök, sem dreifa þessu gróðalaust. Hitt er svo annað mál, hvað voruð þið að hugsa þegar þið ákváðuð að setja tank fullann af eldfimu gasi inní bílinn ykkar?

[Kjartan (IP-tala skráð) 16.5.2012 kl. 08:15]

Sæll Sigurður, varðandi innskot þitt, þá er því miður ekkert vit í að hafa Metansíl í notkun utan nánasta svæðis höfuðborgarinnar, lítið gagn að þurfa alltaf að fara til Rvk. eða Hfj. til að fá áfyllingu. En þetta er framtíðarsýn og stjórnun sitjandi ríkisstjórnar.

[Dabbi (IP-tala skráð) 16.5.2012 kl. 09:34]

Það eru tvær N1 stöðvar í Hafnarfirði, á Reykjavíkurvegi og í Lækjargötu plús það er sjálfsafgreiðslustöð á Völlunum við Haukaheimilið en ég hef ekki fundið neina Metandælu á þessum stöðvum svo er hún nokkuð ósýnileg ?

[Sleggjan og Hvellurinn, 16.5.2012 kl. 20:09]

Er kannski röð milli 16-18 á virkum dögum?

Þarf maður ekki að velja heppilegri tíma til áfyllingar.

kv