D-vítamín í stað flensubólusetningar

Blessunarlega hefur fjölskylda mín sloppið við svínaflensuna fram að þessu. Núna er bóluefnið komið til landsins en einhver tími (vikur) mun líða þar til almenningur verður bólusettur. Eftir bólusetninguna munu líða einhverjar vikur þar til bóluefnið fer að virka. Sjálfur hef ég aldrei farið í flensubóluetningar og í einhver skipti fengið flensu og orðið drulluveikur.  Konan mín minnir mig þá alltaf á að taka lýsi sem ég geri aldrei.

Læknar hafa sagt að sterkt ónæmiskerfi sé einhver besta vörnin gegn flensu. Þannig benda þeir á að nægt magn D-vítamíns í líkamanum sé mjög mikilvægt til að halda ónæmiskerfinu sterku. D-vítamín fær maður t.d. úr fiskmeti eins og lax og síld og einnig er lýsið D-vítamínríkt.

Ofgnótt D-vítamíns er ekki sögð góð þannig að ég ætla ekki að fara að taka það inn í töfluformi en breyta hinsvegar mataræðinu. Nú fer ég líka að taka lýsi.

Hér er síða sem nefnir ýmsa kosti D-vítamíns: http://health.learninginfo.org/benefits_vitamind.htm

Athugasemdir

[Inside Bilderberg (IP-tala skráð) 15.10.2009 kl. 18:29]

http://www.youtube.com/watch?v=xdLNMEXWTL8